Payshanba – yoshlar kuni munosabati bilan Xalq deputatlari tuman Kengashi raisi X.Raximov tuman Kutubxona axborot-resurs markazida yoshlar bilan ochiq muloqot o‘tkazdi. Uchrashuvda yoshlarning bilim olishi, kitobxonlik madaniyatini yuksaltirish, bo‘sh vaqtlarini mazmunli tashkil etish, zamonaviy axborot texnologiyalaridan samarali foydalanish hamda ularning tashabbuslarini qo‘llab-quvvatlash masalalari muhokama qilindi. Muloqot davomida yoshlar o‘zlarini qiziqtirgan savollar, taklif va tashabbuslari bilan faol ishtirok etdilar. X. Rahimov har bir murojaatni diqqat bilan tinglab, yoshlarning bilim va salohiyatini ro‘yobga chiqarish, ularning bandligini ta’minlash, kitobxonlikni yanada keng targ‘ib qilish borasida amalga oshirilayotgan ishlar haqida so‘z yuritdi. Shuningdek, kutubxonada yoshlar uchun yaratilgan shart-sharoitlar, zamonaviy adabiyotlar fondi va elektron axborot resurslaridan samarali foydalanish imkoniyatlari bilan tanishildi. Ta’kidlanganidek, yoshlarning intellektual salohiyatini yuksaltirish, kitobga mehr uyg‘otish va ularning tashabbuslarini har tomonlama qo‘llab-quvvatlash bundan buyon ham ustuvor vazifalardan biri bo‘lib qoladi.