Xalq deputatlari Sardoba tumani Kengashi kotibiyati bosh mutaxassisi L. Toshquvvatov hamda tuman deputati S. Abduvalieva tomonidan tuman markazidagi oziq-ovqat mahsulotlari savdosi bilan shugʻullanuvchi doʻkonlardagi narx-navolar va mahsulotlarning yaroqlilik muddatlari oʻrganildi.
Oʻrganish davomida aholiga taklif etilayotgan asosiy iste'mol mahsulotlarining narxlari, saqlash sharoitlari hamda mahsulotlarning sifat koʻrsatkichlariga e'tibor qaratildi. Shu bilan birga, ayrim savdo nuqtalarida mahsulotlarning yaroqlilik muddatini nazorat qilish va xaridorlarga toʻliq ma'lumot taqdim etish ishlarini yanada kuchaytirish lozimligi ta'kidlandi.
Mas'ullarga iste'molchilar huquqlarini himoya qilish, mahsulotlar sifatini doimiy nazorat qilish hamda savdo madaniyatini yanada yaxshilash boʻyicha tegishli tavsiyalar berildi. Aniqlangan kamchiliklarni bartaraf etish va bu boradagi nazoratni kuchaytirish yuzasidan vazifalar belgilab olindi.