Xalq deputatlari Sardoba tumani Kengashi kotibiyati bosh mutaxassisi L. Toshquvvatov hamda tuman deputati S. Abduvalieva tomonidan 12-maktabda amalga oshirilayotgan ta'mirlash ishlarining borishi joyiga chiqqan holda oʻrganildi.
Oʻrganish davomida qurilish-ta'mirlash ishlarining sifati, bajarilish sur'ati hamda belgilangan muddatlarga rioya etilishi koʻzdan kechirildi. Shu bilan birga, ayrim ishlar boʻyicha sur'atni oshirish, qurilish materiallaridan samarali foydalanish va ishlarni belgilangan talablar asosida tashkil etish zarurligi ta'kidlandi.
Mas'ullarga ta'mirlash ishlarini sifatli va oʻz vaqtida yakunlash, oʻquvchilar uchun munosib va xavfsiz ta'lim muhitini yaratish yuzasidan tegishli tavsiya hamda koʻrsatmalar berildi. Aniqlangan kamchiliklarni bartaraf etish va ishlar ijrosini qat'iy nazoratga olish boʻyicha vazifalar belgilab olindi.