Deputat rayonlıq Jaslar isleri bóliminiń jumısı menen tanıstı

⚡️ Ózbekstan Respublikasınıń 2016-jıl 14-sentyabr kúngi “Jaslarǵa baylanıslı mámleketlik siyasat haqqında”ǵı ÓRQ-406-sanlı Nızamına tiykarlanıp, Xalıq deputatları Shımbay rayonlıq Keńesi sekretariat baslıǵı M.Zarikeev rayondaǵı Jaslar isleri bólimine barıp, mákemeniń jumısı, jaslarǵa jaratılıp atırǵan imkaniyatlar hám mámleketlik jaslar siyasatı sheńberinde ámelge asırılıp atırǵan jumıslar menen tanıstı.

Úyreniw dawamında jaslardıń bántligin támiyinlew, olardıń qábiletin júzege shıǵarıw, isbilermenlik baslamaların qollap-quwatlaw, bos waqıtların mazmunlı shólkemlestiriw hám jaslardıń mashqalaların sheshiw baǵdarında ámelge asırılıp atırǵan ilajlar dodalandı.

Sonday-aq, deputat taraw juwapkerleri menen sóylesip, jumıs nátiyjeliligin bunnan bılay da arttırıw, jaslar menen islesiw sistemasın jetilistiriw hám bar mashqalalardı saplastırıw boyınsha pikir hám usınıslar alıstı.