Xalq deputatlari Marg‘ilon shahar Kengashining "Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha" doimiy komissiyasining tasdiqlangan ish rejasiga muvofiq navbatdagi yig‘ilishi bo‘lib o‘tdi.

Yig‘ilishga doimiy komissiya raisi E. Yunusov raislik qildi. Unda komissiya a’zolari, Xalq deputatlari Marg‘ilon shahar Kengashi kotibiyati mudiri A.Ermatov, Yoshlar maslahat guruhi a’zosi D. Qodirova hamda Ekspert maslahat guruhi a’zolari M. Madaminov, S. Toshpulatov va M. Saydmurotovalar ishtirok etdilar.

Kun tartibidagi birinchi masala yuzasidan shahar moliya bo‘limi boshlig‘i o‘rinbosari B.Xolmatov O‘zbekiston Respublikasi Budjet kodeksining 126-moddasiga asosan Marg‘ilon shahar hokimligining Xalq deputatlari shahar Kengashiga taqdim etgan taklifi to‘g‘risida xisobot berdi. Mazkur masala yuzasidan komissiya a’zolari tomonidan bildirilgan taklif va mulohazalar asosida tegishli tavsiyalar ishlab chiqildi.

Kun tartibidagi ikkinchi masala sifatida deputatlar tomonidan yuborilgan deputat so‘rovlariga berilgan javoblar ko‘rib chiqildi. Muhokamalar davomida mas’ul tashkilotlar tomonidan taqdim etilgan javoblarning qonunchilik talablariga muvofiqligi, deputat so‘rovlarida ko‘tarilgan masalalarning amaldagi ijrosi hamda mavjud kamchiliklarni bartaraf etish yuzasidan amalga oshirilayotgan ishlar atroflicha tahlil qilindi. Komissiya a’zolari tomonidan ayrim masalalar yuzasidan qo‘shimcha tavsiyalar berilib, mas’ul idoralarga tegishli topshiriqlar tavsiya etildi.

Yig‘ilish yakunida kun tartibidagi barcha masalalar bo‘yicha doimiy komissiyaning tegishli xulosalari va tavsiyalari qabul qilindi.