Sessiya ishida Xalq deputatlari shahar Kengashi deputatlari, shahar hokimi o‘rinbosarlari, tegishli tashkilot rahbarlari, siyosiy partiya raislari, shahardagi ommaviy axborot vositalari ishtirok etishdi.

✍️Kun tartibiga 4 ta masala kiritilib ko'rib chiqildi:
Sessiya davomida shahar hayoti va ijtimoiy-iqtisodiy rivojlanishiga oid quyidagi dolzarb masalalar atroflicha muhokama qilindi:
1. O‘zbekiston Respublikasi Prezidentining 2025-yil 25-dekabrdagi 64-sonli topshiriqlar bayoniga asosan korrupsiyaga qarshi kurashish rejasi doirasida amalga oshirilgan ishlarning ijrosi to‘g‘risida.
2. Olmaliq shahrida yoshlar uchun yozgi ta’tilini mazmunli va samarali o‘tkazishga qaratilgan “Dolzarb 90 kun” amaliy tadbirlar dasturini tasdiqlash to‘g‘risida.
3. Olmaliq shahar “Inson” ijtimoiy xizmatlar markazi tomonidan 2025-yil hamda 2026-yilning birinchi choragida amalga oshirilgan ishlar to‘g‘risida.
4. O‘zbekiston Respublikasi Vazirlar Mahkamasining 462-sonli qaroriga asosan Olmaliq shahridagi mahallalar kesimida “Saxovat va ko‘mak” jamg‘armasi mablag‘larini qayta taqsimlash to‘g‘risida.

Kun tartibiga kiritilgan barcha masalalar deputatlar tomonidan qizg‘in muhokama qilinib, deputatlar tomonidan qaror loyihalariga qo'shimcha takliflar kiritilib shahar rivoji va aholi farovonligiga xizmat qiluvchi tegishli qarorlar bir ovozdan tasdiqlandi.
🌐 Sessiya jarayoni jamoatchilik uchun to‘liq ochiq tarzda, shahar Kengashining rasmiy Facebook sahifasi orqali jonli efirga uzatildi.