Olmaliq shahar "Muqumiy" mahallasida aholini kambag‘allikdan chiqarish, yoshlar bandligini ta’minlash hamda hokim yordamchisi va yoshlar yetakchisi tomonidan amalga oshirilayotgan ishlar samaradorligi yuzasidan o‘rganish o‘tkazildi.
Mazkur o‘rganish jarayonida Xalq deputatlari Olmaliq shahar Kengashining 10-okrug deputati Nargiza Atakulova hamda Kengash kotibiyatining bosh mutaxassisi Muhriddin Begmatov ishtirok etishdi.

O‘rganish davomida:
Hujjatlar tahlili: Hokim yordamchisi va yoshlar yetakchisining mahalla drayverlaridan kelib chiqib bajargan ishlari va aholi bandligini ta’minlash ko‘rsatkichlari hujjatlar asosida ko‘rib chiqildi.
Tadbirkorlik va kreditlar: Fuqarolarni tadbirkorlikka jalb qilish, oilaviy tadbirkorlikni rivojlantirish hamda imtiyozli kreditlar ajratilishida mahalla mutasaddilari tomonidan ko‘rsatilgan amaliy ko‘mak tahlil qilindi.
📝 Natija va tavsiyalar: Jarayon yakunida aniqlangan kamchiliklarni bartaraf etish hamda kelgusida ish samaradorligini yanada oshirish bo‘yicha "Mahalla yettiligi" a’zolariga tegishli taklif va tushunchalar berildi.
Aholi farovonligini oshirish va yoshlarni qo‘llab-quvvatlashga qaratilgan bunday nazorat tadbirlari deputat tomonidan muntazam davom ettiriladi.