Monitoring tadbirida Xalq deputatlari Termiz shahar Kengashi kotibiyati mudiri A.Ashurov, Kengashning Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi, ekspert guruhi rahbari A.Mustafakulov, Kengash kotibiyati bosh mutaxassisi R.Mamashukurov hamda shahar Iqtisodiyot va moliya bo‘limining mas’ul xodimi S.Majidovlar ishtirok etdilar.
Nazorat tadbiri davomida Xalq deputatlari Termiz shahar Kengashining 2026-yil 8-apreldagi VII-20-28-8-121-K/26-sonli qarori ijrosi yuzasidan amalga oshirilayotgan ishlar joyiga chiqqan holda atroflicha o‘rganildi.
Xususan, 2026-yil 1-mavsum yakunlariga ko‘ra g‘olib deb topilgan ID–53475184009-sonli loyiha doirasida Viloyat Teri-tanosil dispanserining moddiy-texnika bazasini rivojlantirish bo‘yicha xarid qilingan jihozlar ko‘zdan kechirildi.
Monitoring jarayonida loyiha doirasida xarid qilingan jihozlarning mavjudligi, ularning belgilangan maqsadda foydalanilayotgani, loyiha shartlariga muvofiqligi hamda ajratilgan mablag‘lardan samarali foydalanilganligi holatiga alohida e’tibor qaratildi.
Shuningdek, amalga oshirilgan loyiha natijasida muassasaning moddiy-texnika bazasi mustahkamlanayotgani, tibbiy xizmat ko‘rsatish uchun zarur shart-sharoitlar yaxshilanayotgani ham qayd etildi.
Bunday monitoring tadbirlarining muntazam tashkil etilishi “Tashabbusli budjet” loyihalarining ochiqligi va shaffofligini ta’minlash, fuqarolar tomonidan ilgari surilgan tashabbuslarning amaliy natijasini nazorat qilish, budjet mablag‘laridan maqsadli foydalanilishini ta’minlash hamda deputatlik nazoratini kuchaytirishga xizmat qiladi.
“Tashabbusli budjet” — fuqarolar tashabbusi, ochiqlik va jamoatchilik nazoratining amaliy ifodasidir