Shu maqsadda Xalq deputatlari Termiz shahar Kengashi kotibiyati mudiri, deputat A.Ashurov, kotibiyat bosh mutaxassisi A.Temirov hamda Davlat kadastrlari palatasi Termiz shahar filiali direktor o‘rinbosari B.Rahmonqulov ishtirokida “Madad” nodavlat notijorat tashkilotining Termiz shahar huquqiy maslahat byurosida fuqarolar qabuli tashkil etildi.
Qabul davomida fuqarolardan kelib tushgan murojaatlarning asosiy qismi uy-joy va ko‘chmas mulk masalalari, jumladan, uy-joy hujjatlarini rasmiylashtirish, kadastr masalalari, mulk huquqini belgilash va mavjud huquqiy muammolarni hal etish bilan bog‘liq bo‘ldi.
Murojaat qilgan fuqarolarning har bir masalasi mas’ullar tomonidan alohida tinglanib, amaldagi tartib-taomillar va qonunchilik talablari asosida tushuntirishlar berildi. Ayrim murojaatlar bo‘yicha zarur hujjatlarni rasmiylashtirish, tegishli tashkilotlarga murojaat qilish hamda muammoni qonuniy tartibda hal etish yuzasidan tavsiyalar bildirildi.
Shuningdek, fuqarolarga uy-joy va kadastr bilan bog‘liq masalalarda huquqiy savodxonlikni oshirish, hujjatlarni to‘g‘ri rasmiylashtirish va turli muammolarning oldini olish bo‘yicha zarur tavsiyalar berildi.
Bunday qabullarning muntazam tashkil etilishi aholining o‘z muammosi bilan bevosita mutasaddi va vakolatli tashkilotlarga murojaat qilish imkoniyatini kengaytirib, fuqarolarni qiynayotgan masalalarni joyida o‘rganish va ularning qonuniy manfaatlarini ta’minlashga xizmat qilmoqda.
Fuqarolar murojaati — e’tibor va nazoratda. Har bir murojaat ortida inson taqdiri va manfaatlari turibdi.