Xalq deputatlari Parkent tumani Kengashiga 3-“Bog‘bon” saylov okrugidan saylangan deputat, tuman Kengashi kotibiyati bosh mutaxassisi To‘layev Eldor Zafaritdin o‘g‘li tomonidan navbatdagi sessiya kun tartibiga
kiritilishi belgilangan “Parkent tumanidagi ayrim geografik obyektlarni qayta nomlash to‘g‘risida”gi masala yuzasidan tuman hokimining maslahatchisi Dilshod Azimboyev bilan ishchi uchrashuv o‘tkazildi.O‘rganishda tuman Kengashi kotibiyati bosh mutaxassisi Mirzayev Dilshod Ruxutdin o‘g‘li ham ishtirok etdi.Uchrashuv davomida mazkur masala “Geografik obyektlarning nomlari to‘g‘risida”gi O‘zbekiston Respublikasi Qonuni
talablariga muvofiq amalga oshirilayotgani ta’kidlandi. Jumladan, masalani 15 kunlik jamoatchilik muhokamasiga qo‘yish, muhokama yakunlari bo‘yicha hududiy adliya bo‘limiga huquqiy ekspertizadan o‘tkazish uchun taqdim etish,ijobiy xulosa olingach, bildirilgan takliflarni inobatga olgan holda masalani sessiya kun tartibiga kiritish belgilangan.Shundan so‘ng deputat tomonidan O‘zbekiston Respublikasining “Davlat tili haqida”gi Qonuniga o‘zgartishlar va qo‘shimchalar kiritish to‘g‘risidagi Qonun ijrosining tumandagi holati yuzasidan o‘rganish olib borildi.O‘rganish yakunida tumanda tashqi yozuvlarning davlat tilida, amaldagi imlo qoidalariga muvofiq va xatolarsiz yozilishini ta’minlash borasida muayyan ishlar amalga oshirilgani qayd etildi. Shuningdek, aniqlangan kamchiliklarni bartaraf etish yuzasidan tegishli tushuntirish va targ‘ibot ishlari olib borilib, tashqi yozuvlarni belgilangan talablar asosida tartibga keltirish choralari ko‘rilayotgani ta’kidlandi.