Yurtimizda aholi murojaatlarini o‘rganish, odamlarni qiynab kelayotgan muammolarga yechim topish va mahallalardagi ijtimoiy muhitni yaxshilash borasida amaliy ishlar izchil davom etmoqda. Ayniqsa, xalq vakillarining joylarga chiqib, aholi bilan yuzma-yuz muloqot qilishi odamlarning ertangi kunga bo‘lgan ishonchini yanada mustahkamlamoqda.

Qonunchilik palatasi deputati G.Xalmuratova, Xalq deputatlari Xo‘jayli tuman Kengashi deputati B.Qurbonov va tuman Kengashi kotibiyati bosh mutaxassisi D.Atanazarovlar tumandagi Suenli MFY faollari, mahalla yettiligi bilan uchrashdi. O‘tkazilgan uchrashuvda mamlakatimizda amalga oshirilayotgan islohotlar, qonunchilikdagi yangiliklar va mahalla tizimidagi ustuvor vazifalar muhokama qilindi.

Uchrashuv davomida aholining muammolari, takliflari tinglandi va muammolar yechimi bo‘yicha tegishli choralar ko‘rish yuzasidan mas’ullar bilan hamkorlik qilinishi bildirildi.