Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat J.Abdixayomova tomonidan tumanning “Aydarali” mahallasiga biriktirilgan xotin-qizlar faoli N.Suyerova tomonidan xotin-qizlarni har tomonlama qo‘llab-quvvatlash, ularning ijtimoiy muammolarini hal etish borasida amalga oshirilayotgan ishlar o‘rganildi.

🔺O‘rganish jarayonida xotin-qizlar faoli tomonidan “Ayollar daftari” bilan ishlash holati, daftarga kiritilgan xotin-qizlarning muammolarini manzilli hal etish, ularni bandlikka jalb qilish, kasb-hunarga o‘qitish, tadbirkorlik faoliyatini boshlashlari uchun yaratilayotgan imkoniyatlar hamda ijtimoiy himoyaga muhtoj oilalar bilan olib borilayotgan ishlar tahlil qilindi.

🔺Shuningdek, “Ayollar daftari”ga kiritilgan fuqarolarning har biri kesimida yuritilayotgan hujjatlar, ularning murojaatlari ijrosi, amaliy yordam ko‘rsatish holati, muammolarning yechimini ta’minlashda mutasaddi tashkilotlar bilan hamkorlik samaradorligi ko‘rib chiqildi. Xususan, ishsiz xotin-qizlarni doimiy ish bilan ta’minlash, o‘zini o‘zi band qilish imkoniyatlarini kengaytirish, imtiyozli kredit va subsidiyalar olishda ko‘maklashish, kasbiy tayyorgarlik kurslariga jalb etish ishlariga alohida e’tibor qaratildi.

🔺Deputat mahalladagi xotin-qizlar murojaatlar yuzasidan mas’ullarga aniq topshiriqlar berilib, ularning ijrosini ta’minlash deputatlik nazoratiga olinishini ta’kidladi.