Xalq deputatlari tuman Kengashi kotibiyati mudiri J.Axunovning kunlik ish rejasiga asosan deputat F.Shakarov bilan birgalikda Yangiobod mahallasi raisi faoliyati o‘rganildi.

O‘rganish davomida mahallada obodonlashtirish, aholi murojaatlari bilan ishlash hamda yoshlar va fuqarolar bilan muloqotni yo‘lga qo‘yish borasida amalga oshirilayotgan ishlar tahlil qilindi.

Jumladan, “Obod mahalla” va “Obod ko‘cha” mezonlari asosida 1800 metr piyodalar yo‘lagi qurilib, 2 ta xonadon ta’mirlangan hamda 80 ta tungi yoritish chiroqlari o‘rnatilgan. “Yashil makon” umummilliy loyihasi doirasida 15 ming tup manzarali ko‘chat ekilgan.

Shuningdek, to‘y va marosimlarni ixcham o‘tkazish bo‘yicha targ‘ibot tadbirlari tashkil etilgan, sayyor qabullar orqali 8 nafar fuqaroning murojaati ijobiy hal etilgan. Mahalla yettiligi hisobotlari muntazam eshitilib, fuqarolar muammolarining yechimi nazorat qilib borilmoqda.

O‘rganish yakunida mavjud ishlar samaradorligini yanada oshirish yuzasidan tegishli tavsiyalar berildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|