Xalq deputatlari Karmana tumani Kengashiga "Milliy tiklanish" demokratik partiyasidan 18-Xonchorbog‘ saylov okrugiga saylangan deputat Ro‘ziqulova Dilobar Sirojevna "Xonchorbog‘" mahallasida bo‘lib, hududda yoshlar bilan ishlash tizimining samaradorligini o‘rgandi.
Deputat o‘rganish davomida mahallada faoliyat yuritayotgan yoshlar yetakchisining ish rejasi, yoshlar bandligini ta’minlash, ularning bo‘sh vaqtlarini mazmunli tashkil etish hamda "Yoshlar daftari" bo‘yicha amalga oshirilayotgan ishlar holati bilan yaqindan tanishdi.
Suhbat davomida yoshlar yetakchisining mahalla yoshlari bilan qay darajada aloqa o‘rnatgani, ularning muammolarini hal etishdagi faolligi va ilgari surayotgan tashabbuslari tahlil qilindi.
O‘rganishning asosiy maqsadi: Mahalladagi yoshlar yetakchisi faoliyatiga yaqindan ko‘maklashish, yoshlar bilan ishlash samaradorligini oshirish hamda aniqlangan kamchilik va muammolarni birgalikda bartaraf etish choralarini ko‘rishdan iborat.
Deputat D.Ro‘ziqulova o‘g‘il-qizlarning iste’dodini yuzaga chiqarish, ularni tadbirkorlik va hunarmandchilikka jalb qilish borasida yoshlar yetakchisiga o‘zining zarur tavsiya va maslahatlarini berdi. Bu kabi o‘rganishlar hududda yoshlar siyosatini muvaffaqiyatli amalga oshirishda muhim omil bo‘lib xizmat qiladi.