"9-may — Xotira va qadrlash kuni"

9-may — Xotira va qadrlash kuni munosabati bilan xalq deputatlari tuman Kengashi deputatlari S.Qosimov hamda N.Chorshanbiyeva tomonidan Alisher Navoiy mahallasida istiqomat qiluvchi Afg‘on urushi qatnashchisi, mehnat faxriylari hamda mahalla nuroniylarining holidan xabar olindi.

️ Tashrif davomida faxriylar bilan samimiy suhbat o‘tkazilib, ularning mamlakatimiz tinchligi, xalqimiz farovonligi va jamiyat taraqqiyoti yo‘lidagi ko‘p yillik fidokorona xizmatlari alohida e’tirof etildi. Shuningdek, yoshi ulug‘ insonlarga hurmat va ehtirom ko‘rsatish, ularni e’zozlash hamda holidan muntazam xabar olib turish xalqimizning azaliy qadriyatlaridan ekani ta’kidlandi.

️ Deputatlar tomonidan faxriylarga bayram tabrigi va ezgu tilaklar yetkazilib, esdalik sovg‘alari topshirildi. Faxriylar esa o‘z navbatida ko‘rsatilayotgan e’tibor va g‘amxo‘rlik uchun minnatdorlik bildirib, yurtimizdagi tinchlik-osoyishtalik va hamjihatlik muhitining qadriga yetish lozimligini qayd etdilar.
️Mazkur tashrif “Inson qadri uchun” tamoyili asosida amalga oshirilayotgan ezgu ishlarning amaliy ifodasi bo‘lib, keksa avlod vakillariga ko‘rsatilayotgan yuksak hurmat va e’tibor namunasi sifatida e’tirof etildi.