📌 Xalq deputatlari Ishtixon tumani Kengashining 24-Qulchara saylov okrugidan saylangan deputati G.Xudoyberganova tomonidan Sohibkor mahallasida joylashgan 69-umumta’lim maktabida kuz-qish mavsumiga tayyorgarlik doirasida isitish tizimi hamda ta’lim jarayonining holati ko‘zdan kechirildi.

🔥 Tahlil jarayonida maktabdagi isitish tizimining sozligi, sinf xonalarining issiqlik bilan ta’minlanishi, shuningdek, o‘quvchilar uchun yaratilgan mavjud shart-sharoitlar atroflicha o‘rganildi. Ta’lim jarayonining uzluksiz va sifatli tashkil etilishiga alohida e’tibor qaratildi.

📋 Deputat tomonidan aniqlangan masalalar yuzasidan tegishli mas’ullarga zarur tavsiyalar berildi, mavjud kamchiliklarni bartaraf etish hamda kelgusidagi vazifalarni belgilash bo‘yicha tegishli choralar belgilandi.