Xalq deputatlari Zangiota tumani Kengashining 21-saylov okrugi deputati M.Qoraxo‘jayev tomonidan “Shodlik” mahallasida mahalla xotin-qizlar faoli hamda hokim yordamchisi tomonidan amalga oshirilayotgan ishlar samaradorligi o‘rganildi.

O‘rganish davomida xotin-qizlarni qo‘llab-quvvatlash, ularning muammolarini aniqlash va hal etish, shuningdek, hokim yordamchisi tomonidan aholini kambag‘allikdan chiqarish, bandligini ta’minlash hamda daromad manbalarini kengaytirish borasida olib borilayotgan ishlar holatiga alohida e’tibor qaratildi.

Shuningdek, mahalladagi ijtimoiy-iqtisodiy muammolarni aniqlash, aholining ehtiyojmand qatlamlarini manzilli qo‘llab-quvvatlash va fuqarolar turmush farovonligini oshirishga qaratilgan chora-tadbirlar yuzasidan fikr almashildi.