Fuqarolarning yashash sharoiti o‘rganilmoqda
Xalq deputatlari Pastdarg‘om tumani Kengashi deputati Tuychiyeva Dilshoda Daminovna tomonidan tuman Kengashi kotibiyati tomonidan shakllantirilgan oilalar ro‘yxati asosida ishchi guruh a’zolari bilan birgalikda Yangikishloq mahallasida o‘rganish ishlari olib borildi.
🔎 O‘rganish davomida Yangikishloq MFY O‘zbekiston ko‘chasida yashovchi Bekmurodova Maftuna xonadoniga tashrif buyurilib, oilaning ijtimoiy va maishiy sharoiti atroflicha o‘rganildi.
O‘rganish jarayonida xonadonning yashash sharoiti og‘ir holatda ekani aniqlandi. Fuqaro uy-joyini ta’mirlash va yashash sharoitini yaxshilashda amaliy yordam ko‘rsatishni so‘radi.
📌 Mazkur murojaat deputat tomonidan nazoratga olinib, xonadon muammosini tegishli tashkilotlar bilan hamkorlikda o‘rganish, imkoniyatlardan kelib chiqib amaliy yordam ko‘rsatish yuzasidan tegishli choralar ko‘rish belgilandi.
🤝 Aholining muammolarini manzilli o‘rganish, ehtiyojmand oilalarni qo‘llab-quvvatlash va murojaatlarni ijobiy hal etishga ko‘maklashish deputatlik faoliyatining ustuvor yo‘nalishlaridan biridir.