Xalq deputatlari Taxiatosh tumani Kengashiga Oʻzbekiston Ekologik partiyasidan saylangan deputat Abduraxmanova Nafisa Alimovna “Keneges” OFY 5-Xamza saylov okrugi hududida “Xotin-qizlarni tazyiq va zo‘ravonlikdan himoya qilish to‘g‘risida”gi O‘zbekiston Respublikasi Qonuni (O‘RQ-561-son, 2019-yil 2-sentabr) ijrosi yuzasidan mahalladagi xotin-qizlar bilan uchrashuv o‘tkazdi.

🤝 Muloqot davomida xotin-qizlarning huquq va qonuniy manfaatlarini himoya qilish, zo‘ravonlikning oldini olish hamda bunday holatlarni barvaqt aniqlash masalalari yuzasidan fikr almashildi.

⚖️ Suhbatda zo‘ravonlikning turlari, undan himoyalanish imkoniyatlari, xotin-qizlarning huquq va majburiyatlari hamda mahalla yettiligi tomonidan olib borilayotgan profilaktik ishlar haqida tushuntirishlar berildi.

🩺 Shuningdek, reproduktiv salomatlikni asrash, bu borada ayollarning huquqiy va tibbiy savodxonligini oshirish masalalariga ham e’tibor qaratildi.

🌿 Uchrashuvda “Mahallada obodlik va mehr-oqibat oyligi” doirasidagi vazifalar ham muhokama qilinib, hududni obodonlashtirish, ko‘kalamzorlashtirish va mavjud muammolarni hamjihatlikda hal etishda xotin-qizlarning faol ishtirokini kuchaytirish bo‘yicha targ‘ibot-tushuntirish ishlari olib borildi.

💬 Muloqot davomida ayollarning fikr va mulohazalari tinglanib, mahallada sog‘lom, xavfsiz va mehr-oqibatli muhitni mustahkamlash yuzasidan takliflar bildirildi.