Xalq deputatlari Tomdi tumani Kengashi deputati Orzumurod Umarov “Sharq” ovul fuqarolar yig‘inida joylashgan
“Xalil Bobo Industry” MCHJ faoliyati bilan tanishdi. 

Tashrif davomida Xalq deputatlari Tomdi tumani Kengashi deputati korxonada amalga oshirilayotgan ish jarayonlari bilan yaqindan tanishdi. Mazkur korxona yaroqsiz holatga kelgan avtotransport shina (balon)larini qayta ishlash orqali rezina granulalarini ishlab chiqarishga ixtisoslashgan. 

Aholi bandligini ta’minlash va mahalliy xomashyodan samarali foydalanishga qaratilgan mazkur loyiha tuman iqtisodiyotini rivojlantirishda muhim ahamiyat kasb etadi.