Tashrif davomida deputat mahalla “yettligi” a’zolari bilan uchrashib, hududda fuqarolar o‘rtasidagi o‘zaro munosabatlar, hamkorlik darajasi hamda mavjud muammolarni atroflicha o‘rgandi. Suhbat jarayonida aholi bilan ishlash samaradorligini oshirish, murojaatlarni o‘z vaqtida ko‘rib chiqish va ularning yechimiga erishish masalalariga alohida e’tibor qaratildi.

Shuningdek, mahallada ijtimoiy muhitni yanada sog‘lomlashtirish, fuqarolar o‘rtasida o‘zaro hurmat va ishonchni mustahkamlash, yoshlar va xotin-qizlar bilan ishlashni tizimli yo‘lga qo‘yish bo‘yicha fikr almashildi. Deputat tomonidan mavjud holat tahlil qilinib, aniqlangan kamchiliklarni bartaraf etish yuzasidan aniq taklif va tavsiyalar bildirildi.

O‘rganish yakunlari bo‘yicha tegishli mas’ullar bilan hamkorlikda zarur chora-tadbirlar rejasi ishlab chiqilib, mahalla “yettligi” hamda fuqarolar o‘rtasidagi munosabatlarni yanada yuqori darajaga ko‘tarish, hamkorlikni mustahkamlash va aholi manfaatlariga xizmat qiladigan tizimli ishlarni yo‘lga qo‘yish belgilab olindi.