Xalq deputatlari Paxtakor tuman Kengashi deputati Dilbar Do‘squlova Nurli Pangat mahallasida ijtimoiy sohada olib borilayotgan ishlar samaradorligini o‘rganish maqsadida tashrif buyurdi. Unda, avvalo, ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlar sifati atroflicha o'rganildi.

Tashrif davomida kam ta’minlangan oilalarga ijtimoiy nafaqalar va moddiy yordam tayinlash jarayonlarning shaffofligi va samaradorligi o‘rganildi. Shuningdek, ehtiyojmand oilalarning holati, ularning turmush sharoiti va mavjud muammolari yuzasidan suhbatlar o‘tkazildi.

Deputat mahalla xotin-qizlar faoli tomonidan olib borilayotgan ishlar, xususan, xotin-qizlarni qo‘llab-quvvatlash, ularning bandligini ta’minlash hamda ijtimoiy muammolarini hal etish borasidagi faoliyat bilan ham yaqindan tanishdi.