19-Ibn Sino saylov okrugidan saylangan xalq deputatlari tuman Kengashi deputati A.Jo‘raev tomonidan saylovchilar bilan navbatdagi uchrashuv davomida tegishli mas’ul tashkilotlar bilan birgalikda sayyor qabul tashkil etildi. 

Mazkur uchrashuv davomida hudud aholisini qiynab kelayotgan dolzarb ijtimoiy-iqtisodiy masalalar atroflicha muhokama qilindi. Fuqarolarning murojaatlari, taklif va mulohazalari tinglanib, ularni qonuniy hal etish yuzasidan tegishli chora-tadbirlar belgilab olindi. 

Fuqarolar tomonidan 7 masala yuzasidan murojaat bo'ldi. 5 ta masala joyida hal etilib, 2 masala bo'yicha tegishli mas’ullar bilan o‘rganish talab etildi.

Shuningdek, hududni kompleks rivojlantirish, muhandislik-kommunikatsiya va ijtimoiy infratuzilmani yanada takomillashtirish, aholi farovonligini oshirishga qaratilgan ustuvor vazifalar yuzasidan fikr almashildi. 

Uchrashuv yakunida ko‘tarilgan masalalar ijrosini ta’minlash bo‘yicha mas’ul tashkilotlar bilan hamkorlikda aniq choralar ko‘rilishi ta’kidlandi.