Өзбекстан ХДП Шымбай районлық Кеңеси басламасы менен «Экономика колледж» басланғыш партия шөлкеминде «Депутат ҳәм жаслар» атамасында ушырасыў өткерилди.

Ушырасыўда Өзбекстан ХДП Шымбай районлық Кеңеси баслығы С.Нурмамбетов, Халық депутлары Шымбай районлық Кеңесиндеги Өзбекстан ХДП депутатлық топары ағзасы Х.Абдижалиев, Өзбекстан ХДП Шымбай районлық Кеңесиниң «Экономика колледж» басланғыш партия шөлкеми  ағзалары ҳәм жаслар қатнасты.

Илаж даўамында жыйналғанларға мәмлекетимизде жүз берип атырған өзгерислер, жасларға жаратылып атырған кең имканиятлар, сондай-ақ, Ҳүрметли Президентимиз тәрепинен Қарақалпақстанды раўажландырыў ушын қабыл етилген Пәрман ҳәм Қарарлар,  быйылғы "Қоршаған орталықты қорғаў ҳәм "жасыл экономика" жылы"нда әмелге асырыўға байланыслы мәмлекетлик бағдарлама ҳаққында айтып өтилди.

Ушырасыў даўамында жыйналған жаслар өзлерин қызықтырған сораўларына толық жуўаплар алды.