2025-yil 16-iyun kuni Prezident Shavkat Mirziyoyev raisligida amalga oshirilayotgan islohotlar natijadorligi, hududlarda ishlarning borishi, aholini o‘ylantirayotgan

masalalarga yechim topish yuzasidan o‘tkazilgan videoselektor yig‘ilishi tafsilotlari hamda mazmun-mohiyati

Ushbu videoselektor yig‘ilishida Davlatimiz rahbari tomonidan quyidagi iqtisodiy ko‘rsatkichlarni alohida ta’kdlab o‘tdilar.

1.O‘tgan besh oyda mamlakatimizda sanoat 6,4 foizga o‘sdi, eksport 18 foizga, xorijiy investisiyalar 46 foizga oshdi. Qiymati 3 milliard dollarlik 2,5 mingdan ziyod yangi quvvatlar ishga tushdi, 2 million 400 ming odam daromadli bo‘ldi.

2. Har bir hokim hududidagi, vazirlar esatarmog‘idagi imkoniyat va xavflarni oldindan ko‘ra bilib, proaktiv, ya’ni topshiriq kutmasdan, o‘zi tashabbus ko‘rsatib ishlashga o‘tishi shart.

Eng muhimi, aholi va biznes bilan muloqotni yanada kuchaytirib, ular so‘rayotgan masalalarni tez-tez hal qilib berish bu rahbarlarning asosiy vazifasi bo‘lishi zarur.

3. Ikki oy oldin Energiya samaradorlik agentligi tashkil qilinib, byudjetdan 100 milliard so‘m berildi. Energetika vazirligi va agentlikka vazirlik, hokimlik va davlat korxonalarining oylik iste’moli 500 kilovatt soatdan yuqori bo‘lgan xodimlari ro‘yxatini shakllantiradi. Ushbu xodimlarga energiya samarador texnologiyalarga o‘tish uchun “yashil ta’mir” krediti yoki subsidiya olishga ko‘maklashiladi. Kerak bo‘lsa, byudjetdan tashqari jamg‘armasidan ssuda berilishi mumkin.

Buning hisobidan yil yakunigacha iste’moli yuqori bo‘lgan kamida 100 ming xonadon energiya samarador tizimga o‘tishi zarurligi ko‘rsatib o‘tildi.

4. Go‘sht, sut, parranda go‘shti va tuxum narxi keskin oshmasligi, korxonalar “soya”dan chiqib ishlashi uchun QQSning yarmini keshbek qilib qaytarish tartibi o‘tgan hafta tasdiqlangan edi. Mutasaddilar keshbekni bir kunga bo‘lsa ham kechiktirmaslik zarurligi haqida ogohlantirildi va h.k...

Davlatimiz rahbari tomonidan mamlakatning rivojlanishi, uni ravnaq topishi uchun hamma birdek mas’ul ekanligi alohida ta’kidlab o‘tilmoqda.

Shunday ekan hududlardagi ijtimoiy-iqtisodiy rivojlanish dasturlari, ularni o‘z vaqtida sifatli bajarilishi ustidan “deputatlik nazorati”ni

o‘rnatish, ushbu qilinayotgan islohotlarni aholiga tushuntirish ishlari deputatlar oldida turgan eng katta vazifalardan biri ekanligi barchaga sir emas. Ushbu ijtimoiy -iqtisodiy o‘sish jarayonlarida xalq deputatlari Jizzax viloyati, tuman, shahar Kengashi deputatlari ham o‘z faolligini ko‘rsatib, barcha islohotlarga befarq emasligini isbotlashmoqda.

Xalq deputatlari Qiziltepa tumani Kengashi deputati Shuxrat Isoqov