Xalq deputatlari Bekobod shahar kengashi deputati T.Niyazov hududdagi jinoyatchilik va huquqbuzarlikni oldini olish yuzasidan mahalla faollari va nuroniylar bilan davra suhbatini tashkil etdi. Bunda oilaviy ajrimlar va oilaviy nizolarni oldini olish hududdagi jinoyatchilik va huquqbuzarlikni oldini olishda muhim omil ekanligi ta’kidlandi. Mahallalarda, ayniqsa birinchi navbatda ajrim yoqasida turgan oilalar, nizoli oilalar ko‘paygan mahallalarda targ‘ibot tadbirlarini o‘tkazish bo‘yicha ishlab chiqilgan reja-jadvalga muvofiq targ‘ibot tadbiri olib borilayotganligi yaxshi samara bermoqda. Tadbirda oilaning muqaddasligi, oilani mustahkamlashda erkak shaxsining roli va mas’uliyati haqida hayotiy misollar orqali keng tushunchalar berilib, oilada o‘zaro hurmat, to‘g‘ri muloqot va bir-birini qo‘llab-quvvatlash — barqaror va baxtli turmushning garovi ekanligi alohida ta’kidlab o‘tildi.

"Nuroniylar maskani"da tashkil etilgan ushbu tadbirda “Farg‘ona” mahallasida yashovchi boy hayotiy tajribaga va obro‘-e’tiborga ega nuroniylar, ziyoli otaxonu-onaxonlar ishtirok etdilar.