2025-yil 15-may kuni Prezidentimiz rahbarligida maktab ta’limi tizimidagi islohotlarga bag‘ishlangan videoselektor yig‘ilishi bo‘lib o‘tdi. Unda ta’limning barcha bosqichlariga zamonaviy yondashuvlarni joriy etish, yoshlar tarbiyasi va ularning salohiyatini ro‘yobga chiqarish bo‘yicha ustuvor vazifalar belgilab berildi.

Yig‘ilishda davlat rahbari tomonidan yoshlar bo‘sh vaqtini mazmunli tashkil etishga qaratilgan “Dolzarb 90 kunlik” dasturi e’lon qilindi. Ushbu dastur yoshlarda ijtimoiy faollikni oshirish, ularning bilim va ko‘nikmalarini rivojlantirish, madaniy-ma’naviy saviyasini yuksaltirishga xizmat qiladi.

Yozgi ta’til davrini mazmunli va samarali tashkil etish, maktabgacha ta’lim muassasalariga bolalarni qamrab olishni kengaytirish, maktab o‘quvchilari bandligini ta’minlash va ularning ijtimoiy faolligini oshirishga qaratilgan chora-tadbirlar dasturi keng muhokama qilindi.

Barcha ta’lim muassasalarida “Dolzarb 90 kunlik” dasturi doirasida amalga oshirilishi munosabati bilan o‘quvchi yoshlarning bo‘sh vaqtini mazmunli tashkil etish, ularni sport, san’at, fan va texnologiyaga oid to‘garaklarga keng jalb qilish, maktabgacha ta’lim muassasalariga bolalarni qamrab olish ko‘rsatkichini oshirish borasidagi chora-tadbirlarga alohida urg‘u qaratildi.

Xulosa qilib aytganda, mamlakatimizda amalga oshirilayotgan keng ko‘lamli islohotlar, yoshlarimizni har tomonlama qo‘llab-quvvatlanayotgani natijasida mustaqil fikrlaydigan, milliy va umuminsoniy qadriyatlarga hurmat bilan qaraydigan, o‘zining qat’iy hayotiy e’tiqod va qarashlariga ega bo‘lgan, “halollik vaksinasi” bilan emlangan, milliy mentalitetimizga yot zararli ta’sirlarga qarshi turishga qodir yoshlarimiz yetishib chiqadi degan umiddamiz.

Biz, Xalq deputatlari ham o‘zimizning bor kuchimizni yoshlarimizning kelajagiga e’tiborimizni qaratib, ta’lim muassalarida yuritilayotgan to‘garak mashg‘ulotlarini faolligini oshirishga o‘zimizni hissamizni qo‘shamiz deb ishonch bildiramiz.

Tangriberganov Maxmud Ollaqulievich

Xalq deputatlari Qo‘shko‘pir tuman Kengashi deputati