IV-Toshkent Xalqaro Investitsiya Forumi mamlakatimizda ijtimoiy-iqtisodiy rivojlanishni jadallashtirish, ayniqsa yangi ish o'rinlari yaratish borasida ulkan imkoniyatlarni ochib berdi. 

Forum doirasida qator yirik loyihalar bo‘yicha kelishuvlar va hamkorlik shartnomalari imzolandi. Bu loyihalar nafaqat iqtisodiy o'sishga xizmat qiladi, balki minglab fuqarolarimiz uchun doimiy ish o‘rinlarini yaratishga zamin yaratadi. Ayniqsa, ishsizlik darajasini kamaytirish, yoshlar va ayollar bandligini ta'minlash kabi dolzarb masalalarda forum muhim ahamiyat kasb etdi. Investitsiya loyihalari asosida sanoat, qishloq xo'jaligi, logistika, turizm va IT kabi tarmoqlarda yangi ish o'rinlarining yaratilishi mamlakatimiz aholisi turmush darajasini oshirishga xizmat qiladi. Xulosa qilib aytganda, IV-Toshkent Xalqaro Investitsiya Forumi O'zbekistonning inson kapitaliga qaratilgan e'tiborini yana bir bor tasdiqladi va mamlakat kelajagini bunyod etishda muhim qadamlardan biri bo‘ldi.  

O'zbekiston XDP Zarafshon shahar kengashi deputati
Gulshanda Bobomurodova