TURAQLÍ KOMISSIYa MÁJILISI 

 Xalıq deputatları Qanlıkól rayonlıq Keńesiniń Agrar, suw xojalıǵı hám
ekologiya máseleleri boyınsha turaqlı komissiyasınıń gezektegi májilisi bolıp ótti. 

 Májilis kún tártibinde; 

1. Ekologiya hám qorshaǵan ortalıqtı qorǵaw hám ıqlım ózgeriwi ministrligi
Qanlıkól rayonı bólimi tárepinen aymaqta qorshaǵan ortalıqtı qorǵaw boyınsha
alıp barılıp atırǵan jumısları haqqında esabatı tıńlandı.  

2. Kadastr agentligi
Qaraqalpaqstan Respublikası Qanlıkól rayonlıq bólimi tárepinen máhelleler
kesiminde 2025-jıldıń ótken ayları dawamında ámelge asırılǵan jumısları
haqqında J.Mnajaddinovdıń esabatı tıńlandı. 

3. Ózbekstan
Respublikası Ministrler Kabinetiniń 2024-jıl 26-martaǵı “Jámiyetshilik pikiri
tiykarında islep shıǵılǵan “Meniń baǵım” joybarını shólkemlestiriw hám
qarjılandırıw tártibi haqqındaǵı nızamını tastıyıqlaw haqqında”ǵı 156-sanlı
qararınıń orınlanıwın támiyinlew maqsetinde Qanlıkól rayonı hákimliginin jer
fondında bolǵan jerden “Meniń baǵım” joybarı ushın Nawrız awıl puqaralar jıyını
aymaǵınan jer ajıratıw haqqında máseleler kórip shıǵıldı. 

 Kún tártibine qoyılǵan máseleler boyınsha bildirilgen usınıs hám pikirlerdi
esapqa alıp turaqlı komissiya tárepinen tiyisli sheshim qabıl qılındı. 

 Xalıq deputatları rayonlıq Keńesi 

 Kanalǵa aǵza bolıw: 👇👇👇 

 https://t.me/kanlikul_deputatlar_kenesi_2019