Xalq deputatlari Jizzax shahar Kengashining 5-“Qaliya” saylov okrugidan saylangan deputati B.Toshpo‘latov, Jizzax shahar “Suv ta’minoti” MCHJ bosh muhandisi S.Oripov va Nazorat inspeksiyasi tashkiloti xodimlari bilan hamkorlikda “Qaliya” mahalla fuqarolar yig‘inida joylashgan “Yangiyer” va “To‘ptolobod” ko‘chalarida yashovchi fuqarolarning ichimlik suvi ta’minoti bo‘yicha qilgan murojaatlari o‘rganib chiqildi. Olib borilgan o‘rganish ishlari natijasida mazkur hududdagi barcha xonadonlarga bir me’yorda va barqaror ravishda ichimlik suvi yetib borishi ta’minlandi, va muammo ijobiy hal etildi. Shuningdek, deputat B.Toshpo‘latov, “Qaliya” MFY faollari M.Rasulov va J.Mannonovlar bilan hamkorlikda mahalla hududidan oqib o‘tuvchi sug‘orish arig‘ini loyqadan tozalash ishlarini tashkil etdi. Amalda oshirilgan ishlar natijasida ariq ichi tozalanib, tartibga keltirildi. Ushbu amaliy ishlar mahalla aholisi uchun qishloq xo‘jaligi infratuzilmasini yaxshilash va turmush sharoitini yanada yaxshilashga xizmat qilmoqda.