Ѳзбекстан Республикасы Президенти Бунёткор стадионына барып футбол бойынша қурама командасын тамаша қылды. Миллионлап футбол ықласбентлериниң асығып күтген усы Ѳзбекстан-Қатар командасы ойынына Мǝмлекетимизге хызмет сапары менен келген Болгария президенти ҳǝм Словакия бас ўазири, тѳртинши халықара инвестиция жалпы форум мǝжилисинде қатнасқан сырт ел мǝмлекетлериниң ҳукимет басшылары, жоқары мǝртебели мийманлар ҳǝм мирǝт етилди.

Бул ǝпиўайы ойын емес, ѳзбек ойынының улкен байрамы, жǝҳǝн чемпионатының саралаў басқышы, лийкин шебер спортшыларымыз мүддетинен алдын жолламаны қолға киргизди. Ѳзбекстан миллий қурама командасы тарийхда биринши мǝртебе футбол бойынша жǝҳǝн чемпионатында қатнасады.

Бул күнди футбол қумар ҳалқымыз жыллар даўамында арзығып күтген еди. Ѳзбекстан усы үшинши саралаў басқышының «А» топарынан орын алған еди. Бир жыл даўамында Иран Қатар, Бирлашган Араб Əмирликлери,
Қырғызстан, Шимол Корея футболшылары менен жеңис ушын күш сынасты. 5-июнь күни Бирлескен Араб Əмирликлери Ѳзбекстан ойынында күшлер теңбе-тең болған еди. Нǝтийжеде 9-тур жуўмақларына кѳре қурамакомандамыз очколары 18-ге жетти.

Бул Ѳзбекстан мǝмлекетин жǝҳǝн еллерине танытар екен, бул жеңис барлық жерлеслеримиздиң кеўилин мақтанышқа толтырды. Ҳақыйқаттан да бүгинги күн елимиз ушын ҳǝр бир ѳзбекстанлылар ушын улкен мақтаныш ҳǝм қуўаныш байрам болып есапланады.