Мен, 11-“Қумбыз” сайлаў округинен Халық депутатлары Хожели районлық Кеңеси депутаты Наргиза Примбетова усы жылдың 15-апрель күни белгиленген график тийкарында өз сайлаўшыларым алдында 2025-жылдың I-шереги даўамында әмелге асырған жумысларым бойынша сайлаўшыларға есабат бердим.
Атап айтқанда, Ҳүрметли Президентимиз тәрепинен Қарақалпақстанды социаллық-экономикалық раўажландырыў бойынша қабыл етилген Пәрман ҳәм Қарарлары, Халық депутатлары Хожели районлық Кеңеси Сессияларында қабыл етилген қарарлардың мазмун-мәнисин ҳаққында түсиниклер берилди.
Соның менен бирге, жылдың атмасына сәйкес қабыл етилген мәмлекетлик бағдарламада нәзерде тутылған реже ҳәм ўазыйпалар ҳаққында мағлыўмат берилди. Есабат дәўиринде сайлаўшылардан 6мүрәжат келип түскен болып, мүрәжатлар тийисли жуўапкерлер менен биргеликте унамлы шешим тапты. Мәселен, райондағы “Қумбыз” аўылы турғынларының усынысына тийкарланып азық-аўқат дүкан алдындағы пиядалар журетуғын жолда жеңил автомобиллер турып жолды тосып атырғанлығы ҳаққындағы муражатлер унамлы шешим табыў мақсетинде депутат сораўнамасы жиберилди. Сондай-ак 33–санлы улыума билим бериу мектебинин оқыўшылардың жол қәўипсизлигин тәмийнлеў мақсетинде мектеп алдына “Дыққат балалар” жол белгиси қойыў ушын депутат сораўнамасы жиберилди. Соны да атап өтиў орынлы, сайлаўшылар мәмлекетимизде әмелге асырылып атырған реформалардан разы екенлиги, оны ҳәр күни өз турмысында сезип атырғанлықлары билдирди.
Сессия, турақлы комиссия ҳәм депутатлық топар мәжилислеринде турақлы қатнасып, онда партиямыз электораты мәплеринен келип шығып өз пикир ҳәм усынысларымды билдирип келмектемен.

Наргиза Примбетова

11-“Қумбыз” сайлаў округинен Халық депутатлары Хожели районлық Кеңеси
депутаты