Bugun Kengash kotibiyatining haftalik ish rejasi ijrosi asosida O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qarori ijrosi hamda Jarqo‘rg‘on tumanini ijtimoiy-iqtisodiy rivojlantirish borasida olib borilayotgan ishlar, erishilgan natijalar yuzasidan deputatlik nazorat-tahlil tadbiri olib borildi.

Tashrif davomida hududda aholi ehtiyojlari uchun yangi barpo etilayotgan loyiha qiymati 435 mlrd.so'mni va 84 xonadonga mo'ljallangan ko‘p kvartirali uy-joylarning qurilish holati ko‘zdan kechirildi.

Deputat qurilish ishlarining sifati, belgilangan muddatlarga amal qilinishi hamda zamonaviy shaharsozlik normalariga muvofiqligiga alohida e’tibor qaratdi.

O‘rganish jarayonida quruvchi va mutasaddi tashkilot vakillari bilan muloqot qilinib, mavjud kamchiliklar jumladan kanalizatsiya tizimidagi muammolarni bartaraf etish bo‘yicha zarur tavsiyalar berildi. Shuningdek, mazkur turar-joy majmualari atrofida infratuzilmani rivojlantirish va obodonlashtirish ishlari ham muhokama markazida bo‘ldi.

Hududdagi qurilish jarayonlari yakuniga qadar deputatlik va jamoatchilik nazorati ostida davom etishi belgilab olindi.