#_deputat_faoliyati
#_24_ta_masala
#_kotibiyat_xodimi_faoliyati
#kunlik_ish_reja_ijrosi
Aholi yashash sharoitlarini yaxshilashda deputatlik nazorati va hamkorlik

Xalq deputatlari Sariosiyo tumani Kengashining “1-Sangardak” saylov okrugidan saylangan deputat S.Qosimov hamda tuman Kengashi kotibiyati bosh mutaxassisi A.Nasriddinov tomonidan “Anorzor” mahallasida aholining yashash sharoitlarini yanada yaxshilash, hududni ijtimoiy-iqtisodiy rivojlantirish borasida amalga oshirilayotgan ishlar o‘rganildi.
O‘rganish jarayonida mahalladagi ijtimoiy-iqtisodiy holat, aholi uchun yaratilgan sharoitlar, mavjud infratuzilma holati hamda fuqarolarni qiynab kelayotgan muammolar tahlil qilindi.

Shuningdek, aholi bilan muloqotlar o‘tkazilib, ularning taklif va murojaatlari tinglandi. Fuqarolar tomonidan bildirilgan muammolarni tegishli tashkilotlar bilan hamkorlikda hal etish, ularning ijrosini nazoratga olish bo‘yicha mas’ullarga tegishli tavsiya va ko‘rsatmalar berildi.

Tashrif davomida hududda obodonlashtirish, ko‘kalamzorlashtirish, yo‘l va ichki infratuzilmani yaxshilash, aholi uchun qulay va munosib yashash sharoitlarini yaratish borasida amalga oshirilayotgan ishlarga ham alohida e’tibor qaratildi.

Deputatlik nazorati doirasida bunday o‘rganishlarning muntazam tashkil etilishi aholi muammolarini joyida aniqlash, ularni tezkor hal etish hamda mahallaning ijtimoiy-iqtisodiy rivojiga munosib hissa qo‘shishga xizmat qiladi.