Xalq deputatlari Bekobod shahar kengashi deputatlari O‘zXDP a’zosi J.Kamolxodjayev va F.Mamajonov Xalq deputatlari shahar kengashining 2026-yil 24-mart va 5-iyun kunidagi tegishli qarorlari asosida shahar mahalliy byudjetining qo‘shimcha manbalari hisobidan shahar Obodonlashtirish boshqarmasiga ajratilgan mablag‘larning samarali ishlatilishi o‘rganildi. Jumladan, 24-mart kunidagi qaror asosida jami 880,0 mln.so‘m ajratilgan bo‘lib, shundan loyiha-smeta hujjatlari tayyorlash jarayonida va tender yakunlari bo‘yicha 15,0 mln.so‘m iqtisod qilingan. Biroq, kuzatuv kameralarini o‘rnatish bo‘yicha ajratilgan 150,0 mln.so‘m garchi shahar Obodonlashtirish boshqarmasi balansida bo‘lsada, integratsiyasi shahar IIB da o‘rganitilgan. O‘rganish yakunida barcha
harajatlarni asoslantiruvchi hujjatlari bilan shahar kengashi oldida taqdimot asosida hisobot berish hamda kuzatuv kameralari bo‘yicha oydinlik kiritish va asosiy vositalarni aniq hisobini yuritish yuzasidan tegishli tavsiyalar berildi.