#deputat_soʻrovi_javobi #Deputatlik_nazorati

Deputat so‘roviga Uchtepa tumani hokimining o'rinbosari tomonidan tegishli ma'lumotlar taqdim etildi

📝 Xalq deputatlari Uchtepa tumani Kengashi deputati Malikova Saodat Tolipovna tomonidan yuborilgan deputatlik so‘roviga tuman hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatov tomonidan rasmiy javob taqdim etildi.

📊 Deputatlik so'rovida ko'rsatilgan Katta Cho‘ponota mahallasi hududidan, xususan, Quyi Bo‘zsuv ko‘chasidan o‘tgan drenajning holatini yaxshilash, uni loyqa, chiqindi va boshqa yot jismlardan tozalash hamda suv o‘tkazish qobiliyatini tiklash yuzasidan ko‘tarilgan masala Uchtepa tumani hokimligi tomonidan o‘rganib chiqilganligi hamda o‘rganish davomida mazkur drenaj Toshkent shahar yer osti umumiy o‘tish muhandislik kollektorlari boshqarmasi tasarrufidagi shahar kollektorlariga tegishli ekanligi aniqlanganligi qayd etilgan.

📝 Shu munosabat bilan, deputat so‘rovida ko‘tarilgan masalani hal etish maqsadida 2026-yil 15-sentabrdagi 04-15/262-sonli xat bilan Toshkent shahar yer osti umumiy o‘tish muhandislik kollektorlari boshqarmasiga murojaat yo‘llanib, mazkur xatda Quyi Bo‘zsuv ko‘chasidan o‘tgan drenajni loyqa, chiqindi va boshqa yot jismlardan tozalash, uning suv o‘tkazish qobiliyatini tiklash hamda hududni tegishli holatga keltirish bo‘yicha zarur amaliy choralarni ko‘rish so‘ralgan.

🕯 Yuqoridagilardan kelib chiqib, deputat so‘rovida ko‘tarilgan masala tegishli vakolatli tashkilotga ko‘rib chiqish va amaliy choralar ko‘rish uchun yuborilganligi ma’lum qilindi.