Xalq deputatlari Jalaquduq tuman Kengashi deputati Z. G‘ofurova “G‘ayrat” mahalla fuqarolar yig‘inida bo‘lib, hududdagi yoshlar yetakchisi faoliyati hamda yoshlar bandligini ta’minlash borasida olib borilayotgan ishlarni yaqindan tahlil qildi.Uchrashuv davomida “Yoshlar daftari” tizimi orqali yigit-qizlarga ko‘rsatilayotgan ijtimoiy ko‘maklar, ularni kasb-hunar va tadbirkorlikka yo‘naltirishdagi amaliy sa’y-harakatlar atroflicha muhokama qilindi. Deputat mahalla yoshlar yetakchisi bilan hamkorlikda muammolarni bartaraf etish hamda faoliyat unumdorligini oshirish maqsadida belgilangan 24 ta tavsiyaga asosan tegishli vazifalarni kelishib oldi.O‘rganish natijalariga ko‘ra, yoshlar bandligini ta’minlash va ularni ijtimoiy qo‘llab-quvvatlash masalalari deputatlik nazoratiga olindi. Bu kabi tizimli o‘rganishlar tumandagi boshqa mahallalarda ham davom ettiriladi.