Bolalar huquqlarini himoya qilish bo‘yicha qonun ijrosi o‘rganildi

Xalq deputatlari Qiziriq tumani Kengashi deputati D.Xoliqova “Bolalarni zo‘ravonlikning barcha shakllaridan himoya qilish to‘g‘risida”gi O‘zbekiston Respublikasi Qonuni (O‘RQ–996-son, 2024-yil 14-noyabr) ijrosini o‘rganish yuzasidan tayyorlangan savolnoma asosida “Qorasuv” mahallasidagi 10-son maktabgacha ta’lim tashkilotida deputatlik nazoratini amalga oshirdi.

O‘rganish davomida maktabgacha ta’lim tashkilotida bolalarning huquq va qonuniy manfaatlarini himoya qilish, ularni zo‘ravonlikning barcha shakllaridan asrash, xavfsiz ta’lim-tarbiya muhitini yaratish, pedagog xodimlar tomonidan qonun talablariga rioya etilishi hamda profilaktik tadbirlarning tashkil etilishi yuzasidan mas’ullarning axboroti tinglandi.

Shuningdek, bolalarga nisbatan zo‘ravonlikning oldini olish, tarbiyalanuvchilar uchun xavfsiz va sog‘lom muhitni ta’minlash, ota-onalar bilan olib borilayotgan tushuntirish ishlari hamda murojaatlar bilan ishlash holati o‘rganilib, qonun talablarini to‘liq va samarali ijro etish yuzasidan mas’ullarga tegishli tavsiya va takliflar berildi.

Joylarda qonunlar ijrosi ustidan deputatlik nazoratini kuchaytirish hamda bolalarning huquq va manfaatlarini ishonchli himoya qilishga qaratilgan o‘rganishlar izchil davom ettirilmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram