🏫 DEPUTATLIK NAZORATI DOIRASIDA MAKTABDA O‘RGANISH O‘TKAZILDI

📍 Xalq deputatlari Sherobod tuman Kengashining 4-Uch yog‘och–Qorabog‘ saylov okrugi deputati K. Xashimova tomonidan “Qorabog‘” mahallasi, Maydon qishlog‘ida joylashgan 34-son umumta’lim maktabiga tashrif buyurildi.

🔍 Tashrif davomida O‘zbekiston Respublikasi Prezidentining PQ–141-son qarori ijrosi hamda Islom taraqqiyot banki ishtirokida amalga oshirilayotgan “Qishloq joylarini kompleks rivojlantirish” loyihasining ikkinchi bosqichi doirasida olib borilayotgan qurilish va obodonlashtirish ishlari yuzasidan deputatlik nazorati o‘tkazildi.

🏗 O‘rganish jarayonida amalga oshirilayotgan ishlarning sifati, belgilangan muddatlarga rioya etilishi hamda yaratilayotgan shart-sharoitlar ko‘zdan kechirildi. Aniqlangan holatlar yuzasidan tegishli mas’ullarga tavsiya va takliflar bildirildi.

🤝 Deputatlik nazorati doirasidagi bunday o‘rganishlar amalga oshirilayotgan loyihalarning samaradorligini ta’minlash va aholi manfaatlariga xizmat qiluvchi tashabbuslarni qo‘llab-quvvatlashga xizmat qiladi.