Xalq deputatlari Zarbdor tuman Kengashiga 16-Andijon saylov okrugidan saylangan deputat Dilshod Kuchiboyev tomonidan tumandagi davlat ahamiyatidagi D058 “M39 avtomobil yo‘li (977 km.dan) — Oqar agroxizmat markazi — D042 avtomobil yo‘li (4 km.ga chiqish)” avtomobil yo‘lining holati o‘rganildi.

O‘rganish davomida mazkur yo‘lning ayrim qismi yaroqsiz holga kelgani, qoplamasiz hududlarda yog‘ingarchilik mavsumida suv to‘planishi hamda qatnov qismida nosoz holatlar yuzaga kelayotgani aniqlandi.

Shuningdek, fuqarolar va avtotransport vositalarining xavfsiz harakatlanishini ta’minlash maqsadida ushbu yo‘lda asfaltlashtirish ishlarini amalga oshirish zarurligi qayd etildi.