Xalq deputatlari Termiz tuman Kengashi deputati G.Shafoatova o‘zi saylangan hududda yashovchi yoshi ulug‘ fuqarolar xonadoniga tashrif buyurdi.

 Mahalla raisi bilan hamkorlikda ularning sog‘ligi, yashash sharoiti, ijtimoiy ahvoli hamda kundalik ehtiyojlari o‘rganildi. Suhbat jarayonida keksalar tomonidan bildirilgan taklif va murojaatlar yozib olinib, ularni hal etish bo‘yicha tegishli tashkilotlar bilan ishlash masalasi belgilab olindi.

Mazkur tashrif “Bir mahalla – bir tashabbus” aksiyasi doirasida tashkil etilib, hududda mavjud muammolar joyiga chiqqan holda o‘rganildi. Xususan, ichki yo‘llar holati, obodonlashtirish ishlari, kommunal xizmatlar sifati hamda ijtimoiy sohadagi masalalar atroflicha ko‘rib chiqildi.

Deputat nuroniylarning hayotiy tajribasi va maslahatlari hudud rivoji uchun muhim ekanini ta’kidlab, aholi murojaatlari asosida aniq chora-tadbirlar belgilab olindi. Kelgusida ham mahalla faollari bilan hamkorlikda muammolarni bosqichma-bosqich bartaraf etish ishlari davom ettirilishi qayd etildi.