Samarqand shahar "Amir Temur" mahalla fuqarolar yig‘inida Xalq deputatlari Samarqand viloyati Kengashi deputatlari N.Kenjayeva va N.Abdullayevalar mahalla yettiligi hamda mahalla faollari bilan uchrashib, aholining muammo, kamchilik va takliflarini yaqindan o‘rganishdi.

⚡️Uchrashuvdan asosiy maqsad — mahalladagi mavjud muammolarni o‘rganish, aholi bilan ochiq muloqot o‘rnatish va fuqarolarning taklif hamda tashabbuslarini tinglashdan iborat bo‘ldi. 

⚡️Muloqot davomida mahallaning ijtimoiy-iqtisodiy holati, infratuzilmasi, kommunal xizmatlar, ta’lim va sog‘liqni saqlash sohalarida yuzaga kelayotgan muammolar muhokama qilindi.

⚡️ Deputatlar tomonidan bildirilgan har bir murojaat alohida qaydga olinib, ularni bartaraf etish yuzasidan mutasaddi tashkilotlarga tegishli tavsiya va topshiriqlar berildi. Tadbir yakunlari bo‘yicha aholining turmush darajasini yaxshilashga qaratilgan amaliy chora-tadbirlar belgilandi.