👥 Xalq deputatlari Uchquduq tumani Kengashi deputati Allanova Gulbahor Yeskabulovna tomonidan “Yo‘lchilar” ovul fuqarolar yig‘inida yashovchi fuqarolarning murojaatlari o‘rganildi.

🔎 O‘rganishlar davomida hudud aholisini suyultirilgan gaz bilan ta’minlashda ayrim muammolar, jumladan, gaz ballonlarini o‘z vaqtida olishdagi qiyinchiliklar hamda gaz tarqatish punktlarining fuqarolar uchun qulay joylashmagani aniqlangan.

📨 Shu munosabat bilan mavjud muammolarni bartaraf etish va aholiga qulay shart-sharoit yaratish maqsadida “Uchquduqtumangaz” gaz ta’minoti bo‘limi boshlig‘iga deputat so‘rovi yuborildi.

So‘rovda:
🔹 gaz ballonlarini aholiga o‘z vaqtida yetkazib berish;
🔹 suyultirilgan gazni belgilangan me’yor va tartiblarga rioya qilgan holda ballonlarga to‘ldirish;
🔹 gaz tarqatish punktlarini hudud va aholi ehtiyojidan kelib chiqib qayta ko‘rib chiqish;
🔹 fuqarolarga qulay bo‘lgan qo‘shimcha tarqatish punktlarini tashkil etish imkoniyatlarini ko‘rib chiqish masalalari ko‘rsatib o‘tildi.

⏳ Amalga oshirilgan ishlar yuzasidan 10 kun muddatda asoslantirilgan ma’lumot taqdim etish so‘raldi.