Mazkur davr mobaynida Kengash raisi, deputatlar hamda kotibiyat mutaxassislari tomonidan ish rejasiga muvofiq hududlarda deputatlik nazorati tartibida o‘rganishlar olib borildi, shuningdek doimiy komissiya majlislari o‘tkazilib, ko‘rib chiqilgan masalalar yuzasidan tegishli tahlillar amalga oshirildi.

🔹 Hududlarda o‘rganish (deputatlik nazorati) doirasida:

👉 Aholiga ko‘rsatilayotgan tibbiy xizmatlar sifati joyiga chiqqan holda o‘rganilib, tibbiyot muassasalarida yaratilgan sharoitlar, bemorlar uchun xizmat darajasi hamda bepul dori vositalari bilan ta’minlash holati tahlil qilindi.

👉 Mahallalardagi sport inshootlari, umumta’lim maktablari, kollej va akademik litseylarning sport zallari hamda sport anjomlarining holati ko‘zdan kechirilib, yoshlar uchun yaratilgan sharoitlar baholandi.

👉 Aholini kambag‘allikdan chiqarish borasida hokim yordamchilari faoliyati o‘rganilib, bandlikni ta’minlash va daromad manbalarini yaratish bo‘yicha amalga oshirilayotgan ishlar tahlil qilindi.

👉 Mahallalardagi ijtimoiy xodimlar faoliyati, ehtiyojmand oilalarga ko‘rsatilayotgan xizmatlar sifati, ijtimoiy nafaqalar va moddiy yordamlarning o‘z vaqtida yetkazilishi masalalari o‘rganildi.

👉 Mahalla xotin-qizlar faollari tomonidan olib borilayotgan ishlar, xotin-qizlarning muammolarini hal etish, ularning bandligini ta’minlash va ijtimoiy faolligini oshirish borasidagi faoliyat samaradorligi tahlil qilindi.

👉 Hududdagi ichki yo‘llar holati, ko‘chalarning tungi yoritilishi, tirbandliklar hamda yo‘l-transport hodisalari ko‘p sodir bo‘layotgan nuqtalarda xavfsizlikni ta’minlash choralari ko‘rib chiqildi.

👉 Sanitariya-tozalikni saqlash, chiqindilarni o‘z vaqtida olib chiqish holati nazoratga olindi.

👉 O‘zbekiston Respublikasining muhim qonunlari ijrosining tumandagi holati o‘rganildi.

🔹 Doimiy komissiyalar yo‘nalishida:

👉 Ishtixon tumanida kriminogen vaziyatni yaxshilash, jinoyatlarning oldini olish va ularning omillarini bartaraf etish bo‘yicha 2026-yilning 3 oyi davomida amalga oshirilgan ishlar yuzasidan Ishtixon tuman prokurori Uchqun Butunovning axboroti hamda Ichki ishlar bo‘limi boshlig‘i Bekzod Rustamovning hisobotlari eshitildi.

 👉 Ishtixon tumanida nasos stansiyalarini modernizatsiya qilish masalasi muhokama qilindi. 

👉 Vegetatsiya davri uchun suvdan foydalanish limitlari muhokama qilindi.

 👉 “Tashabbusli budjet” doirasida g‘olib deb topilgan loyihalar tasdiqlandi.

 👉 Tuman byudjetining erkin qoldiq mablag‘larini taqsimlash masalasi ko‘rib chiqildi.

🔹 Tashkiliy ishlar doirasida:

👉 O‘rganishlar natijalari yuzasidan tegishli mutasaddilarga tavsiyalar berilib, aniqlangan kamchiliklarni bartaraf etish choralarini ko‘rish belgilandi.

👉 Amalga oshirilgan ishlar yuzasidan tahliliy ma’lumotlar shakllantirilib, tegishli tartibda umumlashtirildi.

🔹 Axborot-tahliliy yo‘nalishda:

👉 Olib borilgan o‘rganishlar va amalga oshirilgan ishlar ommaviy axborot vositalari hamda ijtimoiy tarmoqlar orqali keng yoritib borilmoqda.

Mazkur yo‘nalishlarda amalga oshirilgan ishlar haftalik ish rejasiga muvofiq bajarilib, hududni ijtimoiy-iqtisodiy rivojlantirish hamda aholi muammolarini hal etish borasidagi ishlar izchil davom ettirilmoqda.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)