Navbatdagi sessiyaga tayyorgarlik doirasida O‘zbekiston Respublikasi Prezidentining 2026-yil 5-fevraldagi “Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-son qarori ijrosi tumanda xalq deputatlari Pastdarg'om tuman Kengashi deputatlari O'.Shukurov hamda F.Xolmuratova tomonidan o‘rganilmoqda.

Mazkur qaror asosida ko‘p kvartirali uylarni boshqarish tizimini takomillashtirish, aholiga ko‘rsatilayotgan kommunal xizmatlar sifatini oshirish hamda boshqaruv tashkilotlari faoliyatini yanada shaffof va samarali yo‘lga qo‘yish masalalariga alohida e’tibor qaratilmoqda.

O‘rganish jarayonida ko‘p kvartirali uylarni boshqarish tizimining bugungi holati, mavjud muammolar hamda ularni bartaraf etish bo‘yicha amalga oshirilayotgan ishlar tahlil qilinib, tegishli taklif va tavsiyalar ishlab chiqilmoqda.

Mazkur masala navbatdagi sessiya kun tartibida muhokama qilinishi rejalashtirilgan.