Xalq deputatlari Toshloq tumani Kengashi deputati K.Xoldorova va O‘zbekiston Ekologik partiyasi tuman kengashi raisi O.Nazirxo‘jayev Xotinqumi mahalla fuqarolar yig‘inida bo‘lib, mahalla faoliyati
bilan yaqindan tanishdilar. 

Uchrashuv davomida deputat va “yettilik” hamkorligidagi tashabbuslar muhokama qilinib, mahallalarda qulay infratuzilma yaratish, xavfsizlikni ta’minlash hamda obodonlik ishlarini kuchaytirish orqali aholining kundalik hayot sifatini yaxshilashga qaratilgan ishlar yuzasidan fikr almashildi. 

Shuningdek, tashrif doirasida 28-umumiy o‘rta ta’lim maktabi faoliyati ham o‘rganildi. Maktabda buyuk shoir va davlat arbobi Alisher Navoiy hamda shoh va shoir Zahiriddin Muhammad Bobur tavalludiga bag‘ishlab o‘tkazilgan ma’naviy-ma’rifiy tadbirda ishtirok etildi.