Chinoz tumanida “Qishloq xo‘jaligi xodimlari kuni” munosabati bilan tantanali bayram tadbiri tashkil etildi. Unda Xalq deputatlari Chinoz tumani Kengashi raisi, tuman hokimi Sh.Salixov, Xalq deputatlari Chinoz tumani Kengashi deputatlari, tuman prokurori Z. Gaipov, tuman IIB boshlig‘i O. Ganibekov hamda tuman hokimi o‘rinbosarlari ishtirok etdi.

Tadbirda so‘zga chiqqan tuman hokimi Sh.Salixov mirishkor dehqon va fermerlarni, qishloq xo‘jaligi sohasida fidokorona mehnat qilayotgan olimlar va mutaxassislarni kasb bayrami bilan samimiy tabriklab, ularga mustahkam sog‘liq, mo‘l hosil, yurtimiz ravnaqi yo‘lida yanada ulkan yutuqlar tiladi.

Bayram tadbiri yakunida joriy yilda Chinoz tumani xirmoniga munosib hissa qo‘shgan ilg‘or fermer xo‘jaliklari rahbarlari, qishloq xo‘jaligi xodimlari hamda mehnat faxriylari bo‘lgan mirishkor nuroniylarga esdalik sovg‘alari topshirildi.