Xalq deputatlari Bekobod shahar kengashi deputatlari T.Niyazov va U.Abdunazarov tashabbusi bilan Bekobod shahar “Yangihayot” mahallasidagi 18-sonli umumta’lim maktabida “Uch avlod uchrashuvi” bo‘lib o‘tdi. Uchrashuvda so‘zga chiqqanlar o‘quvchilarning puxta bilim olishlari, dars jarayonlariga o‘z vaqtida ishtirok etish davomat masalasi, avlodlar davomiyligi, kattaga hurmat, kichikka izzat, milliy qadriyatlar va oilaviy tarbiyaning ahamiyati haqida samimiy suhbatlar olib borildi. Uchrashuv davomida nuroniylar o‘z hayotiy tajribalari, ibratli xotiralari bilan o‘rtoqlashib, yoshlarni ilmga, odob-axloqqa, ota-onani e’zozlashga da’vat etdilar. Tadbir yakunida turli sohalarda yuqori natijalarga erishgan o‘quvchilar maktab mamuriyatining maxsus "Diplom"lari bilan taqdirlandilar.