Prezident Shavkat Mirziyoyevning Tojikistonga davlat tashrifi O‘zbekiston tashqi siyosatining izchil davomiyligini, mintaqada tinchlik, barqarorlik va o‘zaro ishonch muhitini yanada mustahkamlashga qaratilgan yuksak siyosiy irodani namoyon etdi.

Sammit doirasida siyosiy, savdo-iqtisodiy, transport-logistika, energetika, suv resurslaridan foydalanish, ekologiya va madaniy-gumanitar yo‘nalishlarda qator muhim hujjatlar imzolandi. Ushbu kelishuvlar ikki davlat o‘rtasidagi strategik hamkorlikni yanada kengaytirish, xalqimiz hayotida amaliy o‘zgarishlar qilish uchun mustahkam asos yaratadi.

Prezidentlar o‘rtasidagi samimiy muloqot, o‘zaro hurmat va ishonch ruhidagi muzokaralar Markaziy Osiyoda tinchlik va taraqqiyotga xizmat qiluvchi muhim siyosiy voqea sifatida tarixda qoladi. Bu tashrif o‘zbek va tojik xalqlarining yaqinlashuvi, madaniy aloqalar, ilm-fan, ta’lim va turizm sohalarida yangi istiqbollar ochdi.

Obidjon Shodiyev,

O‘zbekiston Xalq demokratik partiyasi Zarafshon shahar kengashi deputati