Yig‘ilishda Yoshlar ishlari agentligi Boyovut tumani bo‘limi boshlig‘i A.Jabarovning mahallalar va ta’lim muassasalaridagi yoshlarning yozgi ta’til davrini mazmunli va samarali tashkil etishga qaratilgan “Dolzarb 90 kun” tadbirlarini amalga oshirish bo‘yicha chora-tadbirlar rejasini tasdiqlash hamda Boyovut tumani “Yoshlar daftari” jamg‘armasi mablag‘lari hisobidan mablag‘ ajratish to‘g‘risidagi axboroti eshitildi.

Muhokamalar davomida yoshlarning bo‘sh vaqtini mazmunli tashkil etish, ularni sport, madaniyat, san’at va kasb-hunarga yo‘naltirish, yozgi ta’til davrida turli ma’naviy-ma’rifiy tadbirlar bilan qamrab olish masalalariga alohida e’tibor qaratildi. Shuningdek, “Yoshlar daftari” jamg‘armasi mablag‘laridan maqsadli va samarali foydalanish, yoshlarning tashabbuslarini qo‘llab-quvvatlash hamda ularning muammolarini hal etishga qaratilgan takliflar muhokama qilindi.

Yig‘ilish yakunida kun tartibidagi masalalar yuzasidan tegishli tavsiyalar ishlab chiqilib, ularni Xalq deputatlari Boyovut tumani Kengashining navbatdagi sessiyasida ko‘rib chiqish uchun tavsiya etish to‘g‘risida qaror qabul qilindi.